Аввалроқ, Андижон вилояти ҳокими Шуҳрат Абдураҳмоновнинг ишдан олингани тўғрисидаги 14 апрель куни тарқатилган хабарлар рад этилди.

Андижон вилояти ҳокимлиги матбуот хизматининг маълум қилишича, 14 апрель куни тушга яқин ҳоким иш ўрнида бўлган ҳолда Пахтаобод туманининг Дўстлик массивидаги саноат зонасидаги ишларнинг бориши билан танишган.

Шунингдек, у Избоскан тумани Мангуберди маҳалласида бўлиб, янги ишлаб чиқариш корхонаси ишчилари билан суҳбат қурган.

Бундан ташқари, ҳоким Бобур аренада бўлиб, қурилиш-таъмирлаш ишларини кўздан кечирган. Шу билан бирга туманнинг Бештерак маҳалласи ҳудудидаги 7-умумий ўрта таълим мактабида бўлиб, муассасада ташкил этилган касб-ҳунарга ўргатиш тикув цехининг фаолияти билан танишган.

• Андижон
• Шуҳрат Абдураҳмонов
• ҳоким