Италиянинг Рим шаҳрида Бухоро амирининг олтин коллекцияси топилди. Бу ҳақда бугун Самарқандда бўлиб ўтаётган VI Халқаро конгрессда машҳур Шарқ халқлари санъати миллий музейи вакили Паола Даморе маълум қилди деб ёзмоқда блогер Шаҳноза Соатова.

“У ўз нутқида Римнинг “Juzeppe Tuchchi” музейидан Бухоро амирининг олтин коллекцияси сақланаётганини айтди. Бу шахсан мен учун Конгресдан олган энг катта янгиликлардан бири бўлди.

Шунингдек меҳмон музейда Кушонлар даврига оид осори-атиқалар – маржонлар, узуклар, билагузуклар, сирғалар ва тилла қуймалари, Ўзбекистон тарихига оид турли безакли тақинчоқлар ўрин олганини ҳам айтиб ўтди.

Паола Даморе 60 жилдлик “Ўзбекистон маданий мероси жаҳон тўпламларида” китоб-албомига алоҳида қизиқиш билдириб, Бутунжаҳон жамияти томонидан амалга оширилаётган ишларни қўллаб-қувватлашини билдирди”,– деб ёзади блогер Шаҳноза Соатова ўз постида.

• Бухоро
• Италия
• Kolleksiya
• Олтин