Колумбия терма жамоаси 2026-йилги Жаҳон чемпионатининг 1/16 финалида Гана устидан 1:0 ҳисобида ғалаба қозониб, мусобақанинг нимчоракфинал босқичига йўлланма олди. Канзас-Сити шаҳрида бўлиб ўтган учрашувдаги ягона гол 14-дақиқада Жон Ариас томонидан киритилди. Мазкур гол Колумбияга кейинги босқич йўлланмасини тақдим этди. Шу тариқа, Жанубий Америка вакиллари нимчоракфиналга чиққан сўнгги жамоага айланди.
Энди Колумбия чоракфинал йўлланмаси учун 7 июль куни Ванкувер шаҳрида Швейсарияга қарши майдонга тушади. Швейсария 1/16 финалда Жазоирни 2:0 ҳисобида мағлуб этганди. Эслатиб ўтамиз, Колумбия гуруҳ босқичида Ўзбекистон, Португалия ва Конго Демократик Республикаси билан бир гуруҳдан жой олган эди. Жанубий америкаликлар икки ғалаба ва бир дуранг билан 7 очко жамғариб, гуруҳни биринчи ўринда якунлаган. Гуруҳ босқичида Колумбия Ўзбекистонни 3:1 ҳисобида мағлуб этганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!