Португалия терма жамоаси 2026 йилги Жаҳон чемпионатининг 1/16 финалида Хорватия устидан 2:1 ҳисобида ғалаба қозониб, нимчоракфинал йўлланмасини қўлга киритди. Канаданинг Торонто шаҳридаги BMO Field стадионида ўтган баҳс кескин курашлар остида кечди. Ҳисобни учрашувнинг 53-дақиқасида Хорватия ҳужумчиси Иван Перишич очган бўлса, 68-дақиқада Криштиану Роналду пенальтидан унумли фойдаланиб, мувозанатни тиклади. Учрашув тақдири қўшиб берилган дақиқаларда ҳал бўлди.
90+4-дақиқада Рафаэл Леаунинг узатмасидан сўнг Гонсалу Рамуш аниқ зарба билан Португалияга ғалаба келтирган голни урди. Шу тариқа, Роберто Мартинес шогирдлари иродали ғалабани қўлга киритиб, мундиалнинг нимчоракфинал босқичига йўл олди. Португалия энди чоракфинал йўлланмаси учун 6 июль куни Испанияга қарши майдонга тушади. Ушбу учрашув турнирнинг энг марказий қарама-қаршиликларидан бири бўлиши кутилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!