Зарбдор туманида фуқарони Корея давлатига ишга юбориши эвазига 65 млн сўмини қўлга киритган шахс аниқланди.

Бош прокуратура ҳузуридаги Департаментнинг Зарбдор тумани бўлими томонидан фуқароларнинг ҳуқуқларини ҳимоя қилиш юзасидан ўтказилган терговга қадар текширувда фуқаро Ш.Р. фуқаро Э.М.нинг ишончига кириб, унинг ўғлини Корея давлатига ишлашга юборишини ваъда қилиб, эвазига 65 млн сўмини фирибгарлик йўли билан қўлга киритганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

Ҳурматли фуқаролар! Хорижий давлатларда меҳнат фаолиятини амалга ошириш истагида бўлсангиз, Миграция агентлигига мурожаат қилишингизни сўраймиз. Бу билан, Сиз нафақат ўз хавфсизлигингизни таъминлаган бўласиз, балки кафолатланган меҳнат шароитларига ҳам эга бўласиз.

• Janubiy Koreya
• Жиззах