Ҳужумчи Жоау Феликс мавсумнинг қолган қисмини Мадриднинг «Атлетико»сида ўтказиши мумкин. 

Relevo хабарига кўра, португалиялик мадридликлар сафида камида ёзгача қолиш эҳтимоли бор.

Ярим ҳимоячининг бошқа клубга ўтишига тўсқинлик қилаётган асосий сабаб — унинг нархи. «Атлетико» 130–140 миллион евро талаб қилмоқда.

Феликсга қизиқаётган клубларнинг ҳеч бири бундай пул тўлашга тайёр эмас. 

Сотиб олиш мажбурияти билан ижара ёки сотиб олиш опцияси каби вариантлар ҳам кўриб чиқилди, аммо бу ҳолатда ҳам трансфер потенциал харидорларга жуда қимматга тушади.

Қолаверса, «Атлетико» Жоаунинг савиясидан келиб чиқиб, жамоага ёрдам бера олишига ишонмоқда.

23 ёшли футболчига «Челси», «Арсенал» ва «Манчестер Юнайтед» ҳамон қизиқиш билдирмоқда, аммо бу клублар «Атлетико»нинг молиявий талабларини қондира олмайди.

Маълумот ўрнида, Феликс жорий мавсум Ла Лигада 13 та ўйинда майдонга тушиб, 4 та гол урди ва 3 та голли узатмани амалга оширди.

• Атлетико Мадрид
• Футбол
• Трансферлар