“Камаз” Ўзбекистонга автобус ва электробуслар етказиб беришни режалаштирмоқда. Бу ҳақда Татаристон президенти Рустам Минниханов маълум қилди.

“Камаз” автомобил ишлаб чиқарувчиси Ўзбекистон бозорига электробуслар етказиб беришни режалаштирган. Айни пайтда мамлакатга юк машиналари етказиб берилмоқда”, – деди Татаристон раҳбари.

Миннихоновнинг қўшимча қилишича, Ўзбекистонда “Камаз” автомаркази ва йиғув линияси очилган. “Камаз”  автобус ва электр автобусларини ҳам етказиб беришни хоҳламоқда. Таъкидланишича, Москва шаҳридаги электр автобусларнинг 80 фоизи “Камаз” томонидан ишлаб чиқарилади.

“Электробусларнинг юриш масофаси 80 км қилиб оширилган, тўлиқ электр иситгич билан жиҳозланган, у атмосферага зарарли моддаларни чиқармайди”, – деди Миннихонов.

Унинг сўзларига кўра, Ўзбекистон билан ҳамкорлик қилишга “ЕлАЗ”, ТЭМПО, КМПО, “КЭР-Холдинг”, “Татхимфармпрепараты”, “Ремдизель”, ПОЗиС ҳам қизиқиш билдирмоқда.

• Электробус
• Камаз
• Миннихонов
• Ўзбекистон
• Татаристон