18 август, якшанба куни эрталаб Камчатканинг жануби-шарқий қирғоқларида содир бўлган кучли зилзила содир бўлди. Ҳозирда цунами тўлқини хавфи йўқ, деб хабар берди Россия Фавқулодда вазиятлар вазирлигининг Камчатка ўлкаси бўйича бош бошқармаси.

Камчатка жанубидаги қутқарувчилар 7 магнитудали зилзила натижасида бино ва иншоотларга зарар етгани ёки йўқлигини аниқламоқда.

Маҳаллий вақт билан соат 07:10 да Тинч океанида Петропавловск-Камчатскийдан 108 км жануби-шарқда 7,0 магнитудали зилзила юз берди. Ўчоғи денгиз тубида, 6 км чуқурликда жойлашган. Петропавловск-Камчатскийнинг айрим ҳудудларида 7 баллгача ер силкиниши сезилган. Зилзила Вилючинск шаҳри, Элизовский ва Уст-Камчатский вилоятларида ҳам сезилган.

Сейсмологларнинг маълумотларига кўра, кучли силкинишдан сўнг худди шу ҳудудда яна 5 магнитудали зилзилалар содир бўлган, уларнинг бир нечтаси турли аҳоли пунктларида сезилган.

• Россия
• Тинч oкеани
• Зилзила