Россия Украинага тегишли бўлган бир нечта ҳудудни ўз таркибига қўшиб олганидан сўнг, ушбу вазиятга Евроиттифоқ ўз муносабатини билдирди.

Хусусан, Еврокомиссия раҳбари Урсула фон дер Ляйен Кремлда эълон қилинган аннексия ҳеч нарсани ўзгартирмаслигини таъкидлади.“Россия босқини оқибатида босиб олинган барча ҳудудлар Украинага тегишли” дейди дер Ляйен ўз Twitter саҳифасида.

Шунингдек, у Кремл Украинадаги урушни янги босқичга кўтаргани учун Европа иттифоқига катта миқдорда жарима тўлаши кераклигини қайд этган.

“Европа Иттифоқининг барча 27 етакчиси ноқонуний аннексияни қоралайди. Биз сохта референдумни тан олмаймиз” – дейди Европа кенгаши президенти Чарлз Мишель Twitter саҳифасида.

Украина ҳудудлари Россия томонидан аннексия қилингани ҳақидаги эълон халқаро ҳуқуқ ва БМТ низомини бузиш демакдир. Ҳеч қандай референдум буни оқлай олмайди” – дейди Евроиттифоқининг ташқи сиёсат бўйича Олий вакили Хосеп Боррель.

• Donetsk
• Lugansk
• Украина
• Yevropa Ittifoqi