2025 йилда Ички ишлар органи ходимлари томонидан маҳкумларга нисбатан қўлланган қийноқлар оқибатида 4 нафар ходимга жиноят иши очилди. Шу йил давомида яна 13 нафар ходим интизомий жавобгарликка тортилиб, 2 нафари ишдан бўшатилди, 1 нафари огоҳлантирилди.

Омбудсман Феруза Эшматова маълум қилишича, йил давомида 954 та мониторинг ташрифи амалга оширилиб, 11 мингдан ортиқ маҳкум билан жамоавий, қарийб 5,5 минг нафари билан эса индивидуал суҳбатлар ўтказилган.

Аниқланган камчиликлар асосида вазирлик ва идораларга 33 та тақдимнома ва талабнома киритилган. Шунингдек, айрим ҳибсхоналар санитария-гигиена талабларига жавоб бермагани сабабли фаолияти тўхтатилган.

• Jazo
• Маҳкум