31°
Кечаси 18°
Ўзбекистоннинг Малайзиядаги элчиси Каромиддин Ғадоев Куала-Лумпурда Малайзиянинг энг йирик мустақил энергия ишлаб чиқарувчиларидан бири Malakoff Cорпоратион Berhad бош ижрочи директори Анвар Шахрин Абдул Ажиб билан учрашув ўтказди. Бу ҳақда “Дунё” ахборот агентлиги хабар берди.
Музокараларда Ўзбекистонда “яшил” энергия, айниқса гидроэнергия соҳасида мавжуд улкан салоҳият тақдим этилди. Малайзия томонига Ўзбекистондаги дарё ва каналларда кичик гидроэлектр станциялар (ГЕС) қуриш, шунингдек, йирик қувватли гидроиншоотларни барпо этиш бўйича ҳамкорлик қилиш таклифи билдирилди.
Анвар Шахрин Абдул Ажиб ўз нутқида Ўзбекистонда амалга оширилаётган энергетика ислоҳотлари катта таассурот қолдирганини айтиб, компания жорий йилда Ўзбекистонга сафар қилиб, лойиҳаларни ўрганиш ниятида эканини билдирди.
1975 йилда ташкил этилган Malakoff Corporation Berhad компанияси электр энергияси ишлаб чиқариш, шўр сувни чучуклаштириш, техник хизмат кўрсатиш ва чиқиндиларни бошқариш каби йўналишларда фаолият юритади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
