Марказий банк раҳбарияти Буюк Британия ва Шимолий Ирландиянинг Ўзбекистондаги Фавқулодда ва Мухтор элчиси Тимоти Смарт билан учрашув ўтказди.

Учрашув давомида Марказий банк вакиллари сўнгги йилларда банк секторида амалга оширилган ислоҳотлар натижаларини тақдим этдилар, шунингдек, молия тизимини янада ривожлантириш, аҳолига банк хизматларидан фойдаланиш имкониятини ошириш ва кичик ва ўрта бизнесни қўллаб-қувватлашга қаратилган асосий ташаббусларни белгилаб олдилар.

Томонлар Британия молия институтлари билан банк хизматлари истеъмолчиларининг ҳуқуқларини ҳимоя қилиш, молиявий саводхонликни ошириш, микромолиялаштиришни ривожлантириш ва тадбиркорликни қўллаб-қувватлаш каби йўналишларда ҳамкорликни кенгайтириш истиқболларини муҳокама қилдилар.

Мутахассисларни биргаликда ўқитиш ва молия соҳасида тадқиқот салоҳиятини мустаҳкамлаш имкониятларига алоҳида эътибор қаратилди.

• Буюк Британия
• Марказий банк