Республика миқёсида ўтказилаётган “Хавфсиз ва соғлом юрт” тезкор-профилактик тадбири доирасида Давлат хавфсизлик хизматининг Фарғона вилояти бўйича бошқармаси ходимлари томонидан катта миқдордаги гиёҳвандлик воситасининг ноқонуний айланмасига чек қўйилди. Хусусан, вилоят Ички ишлар ва Божхона бошқармалари ходимларини жалб қилган ҳолда ўтказилган тезкор тадбирда Фарғона шаҳар Бешбола МФЙда яшовчи, 1982 йилда туғилган аёл келгусида сотиш мақсадида 5 кг 936 гр гашиш моддасини майда шағал уюми ичига яшириб қўйганлиги аниқланди ва ашёвий далил сифатида олинди. Маълум бўлишича, мазкур аёл аввал ҳам гиёҳвандлик воситалари билан боғлиқ жиноят содир этгани учун судланган. Ҳозирда унга нисбатан Жиноят Кодексининг 25,273-моддаси 5-қисми “а” банди билан жиноят иши қўзғатилиб, тергов ҳаракатлари доирасида унинг шерикларини аниқлаш бўйича чоралар кўрилмоқда.

• ДХХ
• Фарғона
• Гиёҳвандлик
• Жиноят
• Суд