Россия ва Беларусга нисбатан мисли кўрилмаган ташқи босим уларни бирлашиш жараёнларини тезлаштиришга ундамоқда. Бу ҳақда Россия Федерацияси президенти Владимир Путин, 1 июл куни Россия ва Беларус минтақалари форумида айтиб ўтди.

Путиннинг гапларига кўра, “Коллектив Ғарб” деб аталувчи давлатлар томонидан бўлаётган ташқи босим бу жараённи тезлатишга ундамоқда.

“Коллектив Ғарб” деб аталувчи давлатлар томонидан мисли кўрилмаган сиёсий санкциялар босими бизни бирлашиш жараёнларини тезлаштиришга ундамоқда”, – деган у.

Шунингдек, Россия раҳбари ўз мурожаатида Москва ва Минск жаҳон бозорларига ўғит ва озиқ-овқат етказиб бериш бўйича ҳамкорликни ривожлантиришини таъкидлади.

“Яқинда Александр Григоревич (Лукашенко) билан Санкт-Петербургда бўлиб ўтган учрашувда биз ушбу масалани, жумладан, Беларус товарларини ташқи бозорларга экспорт қилиш учун Болтиқбўйидаги Россия порт терминалининг юк ташиш имкониятларидан фойдаланиш бўйича келишувни ҳам атрофлича муҳокама қилдик”, – дейди Путин.

• Жаҳон
• Минск
• Путин
• Россия