Ўзбекистон Президенти Шавкат Мирзиёев Россия Президенти Владимир Путинга 73 ёшини нишонлаётгани муносабати билан қўнғироқ қилиб, уни самимий табриклади. Бу ҳақда Президент матбуот хизмати хабар берди.

Суҳбатда Мирзиёев Путинга мустаҳкам соғлик, бахт ва муваффақиятлар, Россия халқига эса равнақ тилади. Томонлар Ўзбекистон-Россия стратегик шериклиги ва иттифоқчилик муносабатларини янада ривожлантириш масалаларини муҳокама қилдилар.

Товар айирбошлаш ҳажмини ошириш, саноат, энергетика, қишлоқ хўжалиги каби соҳаларда ҳамкорлик лойиҳаларини илгари суриш ҳамда ҳудудлар ўртасидаги бизнес алоқаларни кенгайтириш муҳимлиги таъкидланди.

Шунингдек, маданий-гуманитар алмашинувлар фаоллашгани қайд этилиб, халқаро ва минтақавий масалалар ҳам муҳокама қилинди.

Маълумот учун, Владимир Путин 1952 йил 7 октябрда Санкт-Петербургда туғилган.

• Мирзиёев
• Путин
• Россия