Мўғулистон президенти Ухнаагиин Хурелсух прокуратура ва ҳукуматдан намойишчиларнинг асосий талабини бажаришни ва мамлакатнинг асосий экспорт маҳсулоти бўлган кўмирнинг йирик ҳажмдаги ўғирланиши бўйича ишни тергов қилиш масаласини ҳал қилишни талаб қилди. Бу ҳақда у Улан -Баторда Вазирлар Маҳкамаси аъзолари, президент маъмурияти, Бош прокуратура раҳбарияти ва ҳуқуқ-тартибот идоралари вакиллари билан бўлиб ўтган учрашувда маълум қилди.

Президентнинг таъкидлашича, тўрт кундан бери намойишлар давом этмоқда, бироқ ҳукумат ва ҳуқуқ-тартибот идоралари ҳозиргача намойишчилар талабларини қондириш бўйича аниқ чоралар кўрмаяпти.
Шунингдек, Ухнаагиин Хурелсух йиғилганлардан нега прокуратура юқори мартабали коррупционерлар номини ошкор этмагани ҳақида сўради. Давлат раҳбари, шунингдек, тергов талабига кўра, жиноятга алоқадор депутатлар дахлсизликдан маҳрум этилиши мумкинлигини эслатди.

У йиғилиш иштирокчиларини норозилик масаласини тезроқ ҳал қилишга чақирди.

Аввалроқ Мўғулистон парламенти кўмир ўғирланишида айбдорлар номини ошкор этиш ниятида экани хабар қилинганди.

• Mo‘g‘uliston
• Намойиш