Жорий йилнинг 23 апрель куни Мўйноқ туманида Ўзбекистон Республикаси Бош прокуратураси томонидан Ўзбекистон йилқичилик ва от спорти федерациясининг Қорақалпоғистон бўлими ва туман ҳокимлиги билан ҳамкорликда Миллий от ўйинлари бўйича очиқ турнир ташкил қилинди.

“Турнирни ташкил қилишдан асосий мақсад – от спортини ривожлантириш, ёшларга эътиборни кучайтириш, уларни маданият, жисмоний тарбия ва спортга кенг жалб этиш, миллий анъаналарга мос равшда тарбиялашга қаратилган”, – дейилади хабарда. 

Бундан ташқари, турнирни ташкил қилиш орқали туманда туризм соҳасида фаолият олиб борувчи корхоналарни қўллаб-қувватлаш, Мўйноқ туманининг туризм потенциалини намойиш қилиш кўзда тутилган.

Мусобақада Қорақалпоғистон Республикасининг шаҳар ва туманларидан келган 300 дан ортиқ от спорти усталари отдан туриб ердан танга олиш, от устида полвонлар кураши, от устидан келиб найза отиш, 3 айлов жорға, 3-5-7-10 айлов от мусобақалари, жамоавий кўпкари ўйини ва оломон кўпкари ўйини ва бошқа миллий от спорт йўналишлари бўйича куч синашмокда.

Турнир якунида ғолиблар ва совриндорлар ташкилотчилар томонидан қимматбаҳо совғалар ва турнир медаллари билан тақдирланиши айтиб ўтилган.

• Mo'ynoq
• От спорти
• Қорақалпоғистон