Навоий вилоятининг Нурота туманида электр энергиясидан ноқонуний фойдаланиш ҳолати аниқланди. Бу ҳақда Электр энергияси, нефть маҳсулотлари ва газдан фойдаланишни назорат қилиш инспекцияси хабар берди.

Маълум қилинишича, Бош прокуратура штаби томонидан ўтказилган назорат тадбири давомида “О. Қ.” МЧЖга тегишли сув насослари ҳисоблагичининг уланиш схемаси ўзгартирилгани ва шу орқали электр энергиясидан ноқонуний фойдаланиб келингани аниқланган.

Ҳисоб-китобларга кўра, мазкур қоидабузарлик оқибатида электр таъминоти корхонасига 1 миллиард 12 миллион сўм миқдорида зарар етказилган.

Ҳолат юзасидан тегишли тартибда ҳуқуқий чоралар кўрилмоқда.

Эслатиб ўтамиз, аввалроқ Самарқанд вилоятида ҳам 1,2 миллиард сўмлик электр энергиясидан ноқонуний фойдаланиш билан боғлиқ икки ҳолат аниқланган эди.