АҚШ Президенти Доналд Трамп Лас-Вегас шаҳрида бўлиб ўтган тадбирда мамлакатга ноқонуний муҳожирлар оқими тўхтатилганини маълум қилди.

Унинг сўзларига кўра, президентлик фаолиятининг дастлабки 30 кунида АҚШга миллионлаб ноқонуний муҳожирларнинг кириб келишига чек қўйилган. Трамп жанубий чегара орқали 25 миллионга яқин киши мамлакатга киришга уринганини таъкидлаб, бу ҳолатнинг олди олинганини айтди.

Шунингдек, у сўнгги 15 ой давомида АҚШ ҳудудига бирорта ҳам ноқонуний муҳожир кирмаганини ҳамда маъмурияти “муҳожирлар жиноятчилиги”га қарши қатъий кураш олиб бораётганини билдирди.

Трамп ўз нутқида Испанияда юз берган воқеаларни ҳам мисол қилиб келтириб, кўплаб муҳожирлар чегарани кесиб ўтишга урингани ва тартибсизликлар содир бўлганини тилга олди. Унинг фикрича, бундай вазият АҚШда юз беришига йўл қўйилмайди.

Бундан ташқари, АҚШ Президенти Иммигратсия ва божхона назорати хизмати (ИCЕ) ходимларининг ноқонуний муҳожирларни аниқлаш ва депортатсия қилиш бўйича фаолиятини қўллаб-қувватлашини билдириб, ҳуқуқни муҳофаза қилувчи органлар ҳар доим давлат ҳимоясида бўлишини таъкидлади.