Уйимизда топиладиган ёки бозордан ҳамёнбоп нархга сотиб олашимиз мумкин бўлган маҳсулотлардан ширин ва фойдали таомлар тайёрлашимиз мумкин. Айниқса, парҳез тутувчи аёллар кечки дастурхон учун ҳам тўйимли, ҳам калориялик таом рецептини излашади.

Қўзиқорин билан қовурилган карам
Ингредиентлар:
Оқ карам - 500 г
Шампиньон- 300 г
Сабзи - 1 дона
Пиёз - 1 дона
Сув - 100 мл
Ўсимлик ёғи - 2 ош қошиқ
Томат пастаси - 2 ош қошиқ
Туз - табга кўра
Қалампир – табга кўра.

Тайёрлаш усули
Пиёз ва сабзи, карамни узунасига майда ҳамда ингичка қилиб тўғранг. Қўзиқоринларни ювиб, тўрт қисмга бўлинг.
Шампинионни қизиган қозонда 5-7 дақиқа давомида қовуринг. Кейин сабзи, пиёз, карам ва ёғ қўшиб яна 5 дақиқа давомида паст оловда пиширинг.

Табга кўра туз қўшинг ва аралаштиринг. Ҳамда яна 7 дақиқа давомида қовуринг.
Қозонга бир стакан томат пастаси ва тўғралган кўкатларни солинг ҳамда сув солиб аралаштиринг. Сўнгра ўртача оловда 10-15 дақиқа давомида пиширинг. Барча сабзавотлар юмшоқ бўлиб пишгач сузиб олишингиз мумкин.

• Рецепт
• Taom\