Бугун Олий Мажлис Қонунчилик палатасининг навбатдаги мажлиси бўлиб ўтди. Мазкур йиғилишда бир қатор кун тартибидаги масалалар кўриб чиқилди.

Жумладан узлуксиз равишда тўқсон кун ва ундан ортиқ муддат давомида чет элда бўлиб қайтган ўн саккиз ёшдан олтмиш ёшгача бўлган Ўзбекистон Республикаси фуқаролари ва Ўзбекистон Республикаси ҳудудида доимий яшайдиган фуқаролиги бўлмаган шахслар ОИВга мажбурий тиббий текширувдан Ўзбекистон Республикаси Давлат бюджети маблағлари ҳисобидан, меҳнат фаолиятини амалга ошириш учун Ўзбекистон Республикасига кириб келаётган чет эл фуқаролари ва фуқаролиги бўлмаган шахслар ҳамда Ўзбекистон Республикасида доимий яшайдиган чет эл фуқаролари эса – ўз маблағлари, иш берувчининг маблағлари ёки қонунчиликда тақиқланмаган бошқа маблағлар ҳисобидан ўтказилиши назарда тутилмоқда.

Бундан ташқари, Ўзбекистон Республикасидан ташқаридаги ишни қидираётган шахсларни бораётган давлатининг қонунчилиги, унда бўлиш қоидалари бўйича ўқитишни ташкил этиш ва зарур материаллар билан таъминлаш мажбуриятини хусусий бандлик агентликларининг лицензия шартларидан бири этиб белгилаш ҳам таклиф этилмоқда.

• Олий Мажлис
• Қонун
• Қонунчилик палатаси
• majlis
• yig'ilish