ОПЕК+ гуруҳига кирувчи саккизта давлат сентябрь ойида нефть қазиб олишни суткасига 548 минг баррелга оширишга келишиб олди.

Ташкилот баёнотида айтилишича, бундай қарор “жаҳон иқтисодиёти истиқболларининг барқарорлиги ва ҳозирги ижобий бозор шароитлари, жумладан, нефть захираларининг паст даражада эканини ҳисобга олган ҳолда” қабул қилинган.

ОПЕК сайтида эълон қилинган жадвалга кўра, Россия суткасига 9,449 миллион, Саудия Арабистони — 9,978 миллион, Ироқ — 4,220 миллион, БАА — 3,375 миллион, Қувайт — 2,548 миллион, Қозоғистон — 1,550 миллион, Жазоир — 959 минг ва Уммон — 801 минг баррелгача нефть қазиб олиши мумкин.

“Блоомберг” нашрининг ёзишича, бу қарор ихтиёрий чекловлардан чиқишни дастлабки режалаштирилган муддатдан бир йил олдин якунлаш имконини беради.

“Financial Times” нашри эса, таҳлилчилар ҳозирги талабга қарамай, қишда хом нефтнинг ортиқча бўлиши мумкинлиги ҳақида огоҳлантираётганини қайд этиб ўтди.

• Ogohlantirish
• Халқаро
• korxona va tashkilotlar
• нефть