FlyArystan авиакомпаниясининг Остона—Тошкент рейси йўловчилари икки кундан бери парвоз қила олмаяпти. Бу ҳақда Tengrinews хабар бермоқда.

Йўловчиларнинг сўзларига кўра, самолёт 21 январь куни кечқурун Остонадан учиши керак бўлган. Бироқ ноқулай об-ҳаво шароити туфайли парвоз амалга ошмаган.

Таъкидланишича, Тошкентга парвозни асосан болали аёллар ва ногиронлиги бўлган шахслар кутаётгани маълум қилинди.

Бир сутка ичида йўловчилар WhatsApp мессенжери орқали рейснинг кечикиши ҳақида бир қатор билдиришномалар олган.

Барча йўловчилар уйларига боришга, баъзилари эса аэропортда тунаб қолишга мажбур бўлаётгани айтилмоқда. Айниқса, у ерда бугун, ярим тундан сўнг рўйхатдан ўтиш муддати тугаётган Ўзбекистон фуқаролари ҳам бор. Яъни, улар ўз вақтида чиқиб кетишни хоҳлашган бўлса-да, уларни бошқа йўл билан депортация қилишлари мумкин.

Остона халқаро аэропорти маълумотларига кўра, FlyArystan авиакомпаниясининг Тошкентга рейси 23 январь куни соат 05:50 га режалаштирилган. Бироқ ҳозирда парвоз амалга ошган ёки йўқлиги номаълум.

• Ostona
• Samolyot