2025 йил 30 январда Ўзбекистон иқтисодиёт ва молия вазирининг ўринбосари Илҳом Умрзаков Мўғулистон делегацияси вакиллари билан учрашув ўтказди. Делегация таркибига бош вазир ўринбосари Жамба Лҳагва, бош вазир маслаҳатчиси Ирмуун Демберел, молия вазирлигининг стратегия ва режалаштириш бўйича бош директори Ерен-Улзий Батмунх ва бошқа расмийлар кирди.

Музокараларнинг асосий мавзуси икки мамлакат иқтисодиётидаги тизимли ислоҳотлар бўлиб, энергетика секторини ривожлантиришга алоҳида эътибор қаратилди. Энергия хавфсизлиги ва барқарор ривожланишнинг долзарб масалалари муҳокама қилинди.

Мўғулистон томони вакиллари Ўзбекистоннинг энергетика секторидаги ислоҳотларнинг муҳимлигини таъкидлаб, Ўзбекистоннинг электр энергияси тарифларини шакллантириш, энергия бозорининг барқарорлиги ва ривожланишини таъминлаш борасидаги тажрибасини ўрганишга тайёрлигини билдирди.

Яшил энергия лойиҳалари ҳам муҳокама қилинди. Иккала мамлакат ҳам экологик мувозанатни сақлаш ва углерод чиқиндиларини камайтириш истагига мос келадиган экологик тоза ва барқарор технологияларни ривожлантиришдан манфаатдор.

Учрашув якунида томонлар икки томонлама ҳамкорликни янада кенгайтириш ва мустаҳкамлашдан манфаатдор эканликларини тасдиқладилар.

• Mo‘g‘uliston
• Ўзбекистон