Миллий гвардия қўмондонлиги ташаббуси билан Ўзбекистонда от спорт турларидан бири бўлган “Тентпеггинг” спорт турини ривожлантириш, аҳолини айниқса ёшларни ва ҳарбий хизматчиларни ушбу спортга кенг жалб қилиш мақсадида Ўзбекистон "Тентпеггинг" федерацияси фаолияти йўлга қўйилди.

Ўзбекистон “Тентпеггинг” федерацияси раиси Миллий гвардия от спорти бўйича республика олий спорт маҳорати мактаби директори Н.Ибрагимов, федерация раиси ўринбосари лавозимига эса Ёшлар ўртасида ҳарбий-ватанпарварлик ва спорт ишларини ташкиллаштириш бошқармаси бошлиғи Қ.Азизовлар тайинландилар.

Миллий гвардия қўмондони Р.Жураев томонидан мамлакатда “Тентпеггинг” спорт турини кенг тарғиб қилиш ва ривожлантириш, ушбу спорт тури бўйича республика бўйлаб нуфузли мусобақаларни ташкил этиш, шунингдек, Жаҳон ва Осиё мамлакатлари ўртасида ўтказиладиган мусобақаларда юқори натижаларни қўлга киритиш Миллий мерос намунаси бўлган “Қорабайир” зотли отларни ушбу спорт орқали дунёга танитиш юзасидан  аниқ вазифалар белгилаб берилди.

Ушбу спорт тури Осиё ва Европа давлатларида жуда оммабоп бўлиб, айниқса ҳарбий хизматчиларнинг жисмоний ва жанговар тайёргарлигини мустаҳкамлашда муҳим аҳамият касб этади.

• Ўзбекистон
• Спорт
• Тентпеггинг
• хабар