Бугун, 28 октябрь куни Ўзбекистоннинг қатор ҳудудларида кучли шамол ва чанг-тўзонлар кузатилиши мумкин. Бу ҳақда “Ўзгидромет” хабар берди.

Маълум қилинишича, Бухоро, Навоий, Тошкент, Самарқанд, Жиззах, Сирдарё вилоятларида ва тоғли ҳудудларда баъзи жойларда шамол тезлиги 13-18 м/с.гача кучайиши, чанг-тўзонлар билан кузатилиши мумкин.

Шунингдек, Тошкент шаҳрида ҳам шамол тезлиги 10-12 м/с.гача кучаяди. Чанг кўтарилиши мумкин.

“Мазкур ҳудудлар аҳолиси ҳамда меҳмонларидан эҳтиёт чораларини кўришларини сўраймиз”, дейилади хабарда.

“Ўзгидромет”нинг таъкидлашича, бундай об-ҳавода фуқаролар очиқ ҳаводаги фаолиятини қисқартириши, хонадан ташқарига чиққанда ниқоб тақиши керак.

• Chang
• Ogohlantirish
• Ўзгидромет