Олимпия ва паралимпия спорт турларига тайёрлаш марказларида амалий имтиҳонлар ўтказилмоқда
Ўзбекистонда паралимпия спорт турларини оммалаштириш, иқтидорли спортчиларни аниқлаш, танлаш ва саралаш ҳамда уларни профессионал спортчилар сифатида тайёрлашнинг янги тизими йўлга қўйилган.
Хусусан, 2022/2023 ўқув йилидан бошлаб, илк маротаба айнан ногиронлиги бўлган ёшлар учун Олимпия ва паралимпия спорт турларига тайёрлаш марказларида паралимпия йўналиши учун 10 фоизлик қабул квоталари ажратилди.
Бугунги кунда мазкур йўналишда ўқиш истагини билдирган 300 нафардан зиёд матонатли ёшларимиз томонидан ҳужжатлар топширилган бўлиб, 145 нафари имтиҳон натижалари асосида танлаб олиниши режалаштирилган.
Кеча, 16 август куни Республикадаги 5 та Олимпия ва паралимпия спорт турларига тайёрлаш марказида паралимпия йўналиши бўйича 1-босқичга касбий (ижодий) имтиҳонлар жараёни бошланди. Унда Урганч, Қарши, Навоий, Нукус ҳамда Термиз шаҳарларида жами 138 нафар ёшлар иштирок этди.
Миллий Паралимпия қўмитасининг маълум қилишича, ушбу имтиҳонлардан муваффақиятли ўтган ўқувчилар Марказнинг пара енгил атлетика, пара дзюдо, пара сузиш, пара велоспорт, пара академик эшкак эшиш, пара пауэрлифтинг ва пара таэквондо спорт турлари бўйича 1-босқич талабасига айланади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!