Афсонавий Пеленинг қизи Кели Насименто 82 ёшли бразилияликнинг қариндошлари у билан хайрлашгани шифохонага келгани акс этган видеони чоп этди.

Marca хабарига кўра, уч карра жаҳон чемпионининг яқинлари Пеленинг аҳволи ниҳоятда оғир эканини тушунишади.

Унинг ўғли Эдинё отаси билан касалхонада, чунки энг фожиали ҳолат бир неча соат ичида юз бериши мумкин.

Футбол қироли йўғон ичак саратонининг прогрессив оқибатлари билан курашишда давом этмоқда. У Рождество байрамини касалхонада ўтказишга мажбур бўлди.

Касаллик ўтган йилнинг кузида Пеледа аниқланган, шундан сўнг 82 ёшли бразилиялик кимётерапиядан ўтган, бироқ кейинчалик организм бунга жавоб бермай қолган.

Шу сабаб билан унинг аҳволи аста-секин ёмонлаша бошлади ва 29 ноябрь куни текширувлар ўтказиш ва даволаш курсини ўзгартириш учун касалхонага ётқизилган.

• Футбол
• Пеле