“Жамоатчилик орасида пойтахт автобус йўналишларини туташ ҳудудларгача узайтириш вазифаси бўйича саволлар келиб тушмоқда.

Маълум қиламиз:

Давлат раҳбарининг Тошкент вилоятининг барча ҳудудларини пойтахт билан боғлашга қаратилган топшириғи ижроси доирасида бир қатор ишлар амалга оширилмоқда. Ҳозирда қайта ташкил этиладиган, жумладан агломерация ҳудудини қамраб оладиган йўналишлар бўйича тегишли ҳужжатлар ишлаб чиқилмоқда.

Йўналиш ҳужжатлари тасдиқланганидан сўнг, улар ўрнатилган тартибга кўра очиқ электрон тендерга жойланади ва тендер ғолиби билан мазкур йўналишда хизмат кўрсатиш бўйича брутто-шартнома имзоланади.

Йўналишлар масофаси узайтирилаётгани муносабати билан, автобусларни кутиш вақти чўзилиб кетмаслиги учун қўшимча транспорт воситалари ажратиш режалаштирилган.

Шунингдек, техник ва ташкилий масалалар, ҳаракат хавфсизлиги ҳамда инфратузилмани таъминлаш ишлари амалга оширилмоқда.

Пойтахт агломерациясида ягона транспорт тизимини шакллантириш чора-тадбирлари босқичма-босқич амалга оширилмоқда.

Автобус йўналишларини узайтириш ва янги йўналишларни йўлга қўйиш жараёни белгиланган тартиб ва техник талаблар асосида амалга оширилмоқда. Бу ишлар натижасида пойтахт ва Тошкент вилояти аҳолиси учун қулай, хавфсиз ва барқарор транспорт хизмати йўлга қўйилади” - дейилади Тошкент шаҳар транспорт бош бошқармаси берган расмий хабарда.

• Жамоат транспорти
• Jamoat xavfsizligi
• Тошшаҳартранс
• Transport