Россия Президенти Владимир Путин “Валдай” халқаро мунозара клубининг йиғилишида чиқиш қилиб, Украинадаги можаро сабабларига тўхталди. Унинг сўзларига кўра, НАТО иттифоқининг Россия чегараларига яқинлашуви ҳарбий зиддиятни кучайтирган ва урушнинг олдини олиш имкониятларини йўққа чиқарган.

Путин Россия бундан олдин икки марта НАТОга аъзо бўлишга тайёрлигини билдирганини, бироқ ҳар сафар салбий жавоб олганини эслатди.

Шунингдек, у АҚШнинг собиқ президенти Доналд Трампнинг фикрларини қувватлаб, агар Трамп ҳокимиятда бўлганида, Украинадаги урушни бартараф этиш мумкин бўлганини таъкидлади.

Путиннинг айтишича, ҳозирги уруш учун асосий жавобгарлик Европа давлатлари зиммасида. У Европанинг ҳарбий кучайиши Россия томонидан диққат билан кузатилаётганини ва бунга тегишли жавоб чоралари кўрилишини билдирди.

“Кечиктирилмас ҳаракатлар кўрамиз, чунки Европанинг ҳарбийлашуви бизни хавотирга солмоқда”, — деди Путин.

• АҚШ
• Путин
• Россия
• Трамп