Британия парламентида фаррош бўлиб ишлаган Муликат Огунмоде кунига 17 соатлаб меҳнат қилгани маълум бўлгач, ишдан бўшатилди. Бу ҳақда Daily Mail нашри хабар берди.

Маълумотларга кўра, Огунмоде 2008 йилдан 2024 йилгача икки жойда — кундузи Deutsche Банкъда, кечқурун эса Буюк Британия парламентида ишлаган. U мунтазам равишда икки иш ўртасидаги минимал 11 соатлик дам олиш вақти талабини бузган. Бундай ҳолат Британия меҳнат қонунчилигига зид ҳисобланади.

Парламентда ушбу ҳолат фош этилгандан сўнг, Огунмоде қонунбузарлик сабабли ишдан бўшатилди. U иш берувчига нисбатан судга мурожаат қилиб, ўзини ноқонуний равишда ишдан бўшатишганини ва иш ҳақидан ноадолатли ушлаб қолишлар бўлганини даъво қилди. Бироқ суд унинг талабларини рад этди.

Судья таъкидлашича, Огунмоденинг ҳаракатлари қонунга зид бўлиб, бу нафақат унинг соғлиғи ва хавфсизлигига, балки жамият манфаатларига ҳам таҳдид солиши мумкин. Шунингдек, у иккинчи иш жойи ҳақида иш берувчига ҳақиқий маълумот бермагани учун ҳам жавобгарликка тортилган.

• Британия