Америка Қўшма Штатлари Украинага Россиянинг энергетика инфратузилмасига узоқ масофали ракеталар орқали ҳужумлар уюштиришда фойдаланиши мумкин бўлган разведка маълумотларини етказиб беради. Ушбу қарор Трамп маъмурияти Украинани узоқ масофали қуроллар билан таъминлаш масаласини кўриб чиқаётган бир пайтда қабул қилинган. Вашингтон бунгача ҳам Киев билан разведка маълумотларини мунтазам бўлишиб келган.

Хабарда қайд этилишича, юзага келган янги вазият Украина томонига Россиянинг муҳим иқтисодий манбалари — хусусан, нефтни қайта ишлаш заводлари, қувурлар, электр станциялари каби стратегик объектларга зарба бериш орқали Кремлни нефть ва энергиядан тушадиган даромадлардан маҳрум этиш имконини кенгайтиради.

Шунингдек, АҚШ ўзининг НАТОдаги иттифоқчиларига ҳам шунга ўхшаш разведка кўмагини Украинага кўрсатишни сўраган

Бу орада, Украина Президенти Владимир Зеленский БМТ Бош Ассамблеяси доирасида Ню-Ёрк шаҳрида бўлиб ўтган учрашувда АҚШ президенти Доналд Трампдан Киевга Tomahawk русумидаги узоқ масофали қанотли ракеталарни етказиб беришни сўраган.

• АҚШ
• БМТ
• НАТО
• Россия
• Зеленский