Аввалроқ, Тошкент вилоятидаги бир неча мактабгача таълим муассасаларида болалар саломатлиги билан боғлиқ нохуш ҳолат юз берган эди.

Қайд этилишича, барча болалар соғайиб, уларнинг саломатлигида хавф йўқлиги тўлиқ тасдиқланган. Даволаш жараёнлари шифокорлар назоратида самарали ташкил этилган ва болалар ўз оилалари бағрига қайтган.

Мактабгача таълим ва мактаб таълими вазирлиги мазкур ҳолатни бартараф этиш ишларини Соғлиқни сақлаш вазирлиги ҳамда Санитария-эпидемиологик осойишталик қўмитаси билан яқин ҳамкорликда амалга оширган.

2 октябрдан бошлаб барча мактабгача таълим муассасалари ўз фаолиятини одатий иш режимида давом эттириши айтилди.

“Амалдаги қонунчиликка мувофиқ, айрим боғчаларимизда умумий овқатланиш хизматлари хусусий корхоналар томонидан аутсорсинг тизими орқали йўлга қўйилган. Шартномаларда санитария талаблари ва меъёрларига қатъий риоя қилиш белгиланган.

Шу билан бирга, Вазирлик ўз масъулиятини чуқур ҳис қилади ва назорат механизмларини янада кучайтиради.

Ҳуқуқни муҳофаза қилувчи идоралар ва Соғлиқни сақлаш вазирлиги билан ҳамкорликда воқеа тафсилотлари ҳар томонлама ўрганилмоқда. Камчиликлар аниқланса, тегишли шартномалар қайта кўриб чиқилади ёки бекор қилинади.

Вазирлик Прокуратура идоралари, Иқтисодиёт ва молия ҳамда Соғлиқни сақлаш вазирликлари билан ҳамкорликда барча зарур чораларни амалга оширади” – дейилади вазирлик хабарида.

• Болалар боғчаси