2025 йил 29 сентябрь куни Халқ депутатлари Тошкент шаҳар кенгаши пойтахт бюджетининг қўшимча маблағларини сарфлаш юзасидан қарор қабул қилди.

2025 йил I чорагида даромадлар ошириб бажарилгани боис республика бюджетидан Тошкентга 126,7 млрд сўм ажратилди. Шундан 10 млрд сўм шаҳарда мавсумий гул кўчатларини экиш ишларига йўналтирилади.

Пуллар шаҳар ободонлаштириш бош бошқармаси ва туман бошқармаларига ажратилади. 1,82 млрд сўм умумий ободонлаштириш ташкилотларига, 8,18 млрд сўм эса туманларга тақсимланади.

Мирзо Улуғбек тумани энг кўп — 1,24 млрд сўм олади. Шунингдек, Юнусобод (1,15 млрд), Чилонзор (1,07 млрд) ва Олмазор (1 млрд) туманларига ҳам катта маблағ йўналтирилади. Янгиҳаёт тумани эса энг кам — 80 млн сўм олади.

Бундан ташқари, қўшимча маблағлардан 50 млрд сўм “Тошкент инвест”га, яна 50 млрд сўм Тошкентни ривожлантириш жамғармасига ажратилди. 621,3 млн сўм “Анҳор-2” фавворасини таъмирлаш ва Кўксаройдаги яшил майдонни суғориш қудуғига сарфланади.

• Тошкент
• gul