Президент Садир Жапаров оғир жиноятлар учун ўлим жазосини тиклаш масаласини кўтарди. Бу ҳақда давлат раҳбарининг матбуот котиби Аскат Алагозов хабар берди.

Маълумотга кўра, Президент Администрациясига болалар, хотин-қизлар ва аёлларга нисбатан содир этиладиган оғир жиноятлар учун энг қатъий жазо чораларини назарда тутувчи қонун лойиҳасини ишлаб чиқиш топширилган.

Бундай ташаббусга Айсулу Мукашева номли 17 ёшли қиз билан боғлиқ мудҳиш воқеа туртки бўлди. У 27 сентябрда йўқолган, бир неча кундан кейин эса жасади Кемин туманида топилган. Тергов маълумотларига кўра, 41 ёшли шахс қизни ўғирлаб, зўрлаб ва ўлдирганини тан олган.

• O'lim jazosi
• Қирғизистон