32°
Кечаси 19°
Бир неча кун аввал “Marvel” компанияси “Қора пантера: Абадий Ваканда” фильмининг дебют трейлерини эълон қилди. Видео Сан-Диегодаги “Comic con 2022” фестивали доирасида намойиш этилди. Ушбу фильм нафақат компания балки дунёнинг энг кўп даромадли фильмларидан бирига айланиши кутилмоқда.
Баъзан томошабин нафақат филмни, балки миллионлаб томошабинлар томонидан тан олинган ва воқеаларга бой картина томоша қилишни истайди. “Paste” журнали рейтингига асосланиб дунё киноси тарихида энг кўп даромад келтирган 10 та фильм рўйхатини эътиборингизга ҳавола этамиз.
“Қора пантера”
Касса: 1,34 миллиард доллар
Чиқарилган йили: 2018 йил
Ваканда қироллиги ва унинг юқори ривожланиш даражаси кам одамга маълум, аммо бу давлатнинг чинакам ривожланишига тўсқинлик қилмайди. Мамлакат муваффақиятининг сири металл вибраниумдир. Душманлар ҳеч нарсада тўхтамасдан Ваканда бойликларига эришмоқчи бўлади. Босқинчиларнинг барча режалари ҳар доим Қора Пантера исмли қаҳрамон томонидан йўқ қилинади. Аммо ёвузлардан бири ҳали ҳам Ваканда сирларини ўрганишда давом этади
“Қасоскорлар: Ультрон даври”
Касса: 1,40 миллиард доллар
Чиқарилган йили: 2015 йил
Яна бир бор коинот таҳдид остида. Исёнкор сунъий интеллект Ультрон одамларни йўқ қилиш билан таҳдид қилмоқда. Фақатгина Қасоскорлар даҳшатли сценарийни тўхтатиб, ёвузлик томонига ўтиб кетган суперкомпьютерга қарши курашишлари мумкин. Аммо суперқаҳрамонлар ҳар бирининг қўрқувини енгиб, жамоадаги ички қарама-қаршиликларга дош бера олиши керак бўлади?
“Музюрак 2”
Касса: 1,45 миллиард доллар
Чиқарилган йили: 2019 йил
Эльзанинг саргузаштлари тугагандек кўринади ва у Аренделледа тинчликда яшаши, мамлакатни бошқариши ва оилавий фаровонликдан баҳраманд бўлиши мумкин. Аммо тўсатдан қиз ёрдам сўраган сирли овозни эшита бошлайди. Эльза синглиси Анна ва дўстлари Кристоф, Олаф, Свен билан бирга яна саёҳатга боради. Хавф ва тўсиқлар жамоага янада кучлироқ бирлашишга ва қадимги афсоналарда яширинган нарсалар ҳақида кўп нарсаларни ўрганишга имкон беради.
“Қирол шер”
Касса: 1,65 миллиард доллар
Чиқарилган йили: 2019 йил
Арслон боласи Симбанинг ҳикояси ҳалигача болаларни ҳам, катталарни ҳам бефарқ қолдирмайди. Мультфильм янгиланган версиясининг ҳайратланарли реализми Симбани янада эмпатик кўринишга келтиради. Томошабинлар Африка саванналари дунёсига саёҳат қилиши, Скарнинг хиёнаткорлигидан нафратланиши, Пумба ва Тимоннинг ғайриоддий ҳаракатларига кулишлари, шунингдек Симба ва Наланинг севги ҳикоясини томоша қилишлари мумкин.
“Юра даври дунёси”
Касса: 1,67 миллиард доллар
Чиқарилган йили: 2015 йил
Пул топиш истаги бир гуруҳ олимлар ва тадбиркорларни динозаврлар яшайдиган қўриқхона яратишга ундади. Агар парк эгалари лойиҳага қизиқиш уйғотиш мақсадида янги динозаврни яратмасалар, ҳаммаси яхши бўларди. Оролнинг бу аҳолиси ноёб тажовузкорлик ва шафқатсизлиги билан ажралиб туради.
“Қасоскорлар: чегарасиз уруш”
Касса: 2,05 миллиард доллар
Чиқарилган йили: 2018 йил
Танос коинотдаги энг қудратли мавжудотга айланади. Бунда унга чексизлик тоши ёрдам беради. Унинг кейинги мақсади бутун дунё тақдирини бошқаришга имкон берадиган қолган тошларни қўлга киритишдан иборат. Таносни тўхтатиш учун Қасоскорлар бирлашиши ва коинотдаги кучлар мувозанатини тиклаш учун бор кучини сарфлаши керак бўлади.
“Юлдузлар жанги: кучнинг уйғониши”
Касса: 2,06 миллиард доллар
Чиқарилган йили: 2015 йил
Империя ниҳоят мавжуд бўлишни тўхтатганга ўхшарди, лекин унинг ўрнига биринчи тартиб пайдо бўлади. Бу шуни англатадики, Леиа Органа ўз вазифасига қайтади ва зулмат кучлари билан курашишга мажбур бўлади. Бундан ташқари, Леиа йўқолган Льюк Скайуолкерни қидиради.
Финн, Чьюбаccа, Хан Соло ва Рей биринчи тартибга қарши курашга қўшилишади. По уларга тўсатдан ёрдамга келади ва жанг пайтида “R2-D2” дроиди уйғонади, бу эса Льюкни топишга умид беради.
“Титаник”
Касса: 2,21 миллиард доллар
Чиқарилган йили: 1997 йил
Аристократ Роза ва камбағал рассом Жекнинг севги ҳикояси, бу Титаникнинг қисқа саёҳати фонида содир бўлади. Томошабинлар ёшларнинг бир-бирларини қандай билишлари ва келиб чиқиш фарқи уларнинг ҳис-туйғуларига тўсқинлик қилмаслигини тушунишади.
“Қасоскорлар: финал”
Касса: 2,80 миллиард доллар
Чиқарилган йили: 2019 йил
Таноснинг дунё учун нархи жуда баланд бўлиб чиқди: кўп одамлар ҳалок бўлди, баъзи қасоскорлар вафот этди, бошқалари кучсиз ва жанг қилишга тайёр эмас эди, кимдир ҳатто ўзларининг қаҳрамонлик ўтмишини унутишга ҳаракат қилади. Аммо Скотт Лангнинг (Чумоли одам) квант оламидан қайтиши дунёга умид бахш этади. Қасоскорлар бирлашиб, вақтни орқага қайтаришади.
“Аватар”
Касса: 2,85 миллиард доллар
Чиқарилган йили: 2009 йил
Айни пайтда “Аватар” энг кўп даромад келтирган фильмдир. Бу картинада ҳатто ноёб махсус эффектлар ҳам мавжуд эмас. Кўплаб томошабинлар ажойиб сайёра Пандора ва унинг аҳолиси ҳақидаги ҳикояга кўпроқ эътибор қаратишади. Масалан аҳолиси ҳаддан ташқари кўп ва ресурслардан маҳрум Ер сайёраси вакилларининг оқилона ва чинакам онгли Пандора гуманоидлари билан боғлиқлиги, табиат билан ҳайратланарли бирликда яшаши ва асосий мақсади ноёб минерал анобтаниумни олишдан иборат экани ғоят таъсирли ва аниқ тасвирланган.
Аслида ногиронлар аравачасида юрадиган собиқ пиёда аскар Жейк Сулли кейинчалик Пандора қаҳрамонига айланади ҳамда сайёра ва унинг аҳолиси тақдирини ўзгартиради?
Айтганча, “Титаник” ва “Аватар” фильмлари режиссёри Жеймс Кэмерон ҳисобланади. Шунингдек жорий йилда “Аватар: Сув йўли” ва 2008 йилга қадар яна 3 та фасл суратга олиниши маълум бўлиб улгурган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
