“Истамбулдаги финал Мен кўрган энг яхши Чемпионлар Лигаси финали”, – деди “Ливерпул” собиқ мураббийи.

Рафаел Бенитес 2004/05 йилги Чемпионлар лигаси финали ҳақидаги хотиралари билан ўртоқлашди.

Испаниялик мутахассис қўл остидаги “Ливерпул” финалда “Милан”ни пеналтилар сериясида (3:3, пен. 3:2) мағлуб этиб, турнир ғолибига айланди. Биринчи бўлимдан сўнг мерсисайдликлар 0:3 ҳисобида мағлуб бўлишди.

“Мен йиллар давомида “Реал Мадрид” тизимида футболчи ва мураббий сифатида ишладим. У ерда сиз ғалабаларга кўникасиз. Бу йиллар давомида ишлаб чиқилган ғолибликнинг ҳақиқий психологияси. Финал ҳар доим қийинчилик ва мотивациядир. Ўйинчилар ўзларининг энг яхши томонларини кўрсатишлари учун ҳамма нарсада ишонч кўрсатиш керак.

Яхшиямки, 2005 йилда Истанбулда бўлиб ўтган финалга келиб, мен “Валенсия” билан ғалаба қозониш тажрибасига эга бўлдим. Бу омил катта рол ўйнади.

Истанбулдаги финал унутилмас бўлди. “Ливерпул” узоқ танаффусдан сўнг муҳим соврин учун курашиш ҳуқуқини қўлга киритди. Бу мен кўрган Чемпионлар лигасининг энг яхши ва ҳиссиётли финали бўлса керак”, – дейди Бенитес.

• Футбол
• Liverpul
• Real
• YChL