Туркия клуби ўзбекистонлик футболчини сотиб олиш ҳуқуқи билан 2025-2026-йилги мавсум сўнгига қадар ижарага олди.

“Ўзбекистон миллий терма жамоаси футболчиси оиламизга хуш келибсан, бизнинг тўқ сариқ-тўқ кўк либосимиз билан муваффақият тилаймиз”, – дейилади клуб матбуот хизмати хабарида.

Маълумот учун, ўзбекистонлик ҳужумчининг “Рома” билан амалдаги шартномаси яна бир йилга мўлжалланган бўлса-да, у ўтган мавсум якунидан бери кетиши мумкин бўлган футболчилар рўйхатида тилга олинаётганди. Маълумотларга кўра, ҳужумчи кейинчалик 2,7 миллион еврога сотиб олиш мажбурияти билан турк клубига 3 миллион евро эвазига ижара асосида ўтди.

Бундан ташқари, келишувда Шомуродовнинг кейинчалик сотилишидан “Рома” фойдасига 10 фоиз миқдорда маблағ ажратилиши кўзда тутилган. Элдор Шомуродов яна бир йилга узайтириш имконияти билан икки йиллик шартнома имзолади.

Шомуродов сўнгги мавсумда римликлар сафида жами 37 ўйин ўтказиб, 7 та гол ва 5 та голли узатмани амалга оширди.

• Елдор Шомуродов
• Италия
• Рома
• Туркия