“Россияда 670 мингга яқин ноқонуний муҳожир мавжуд”, – деб хабар беради “Комсомолская Правда”. Россия Ички ишлар вазирлиги раҳбарининг биринчи ўринбосари Александр Горовнинг сўзларига кўра, ушбу мигрантларнинг ярмидан кўпи аёллардир. Жорий йилнинг 30 апрелига қадар уларнинг барчаси ўз мақомларини легаллаштириш учун Россия Ички ишлар вазирлиги ва тегишли идораларга мурожаат қилиш имкониятига эга.

Горовнинг тушунтиришича, қонунийлаштириш Ички ишлар вазирлигининг махсус ҳисоб-китоблари бўйича текширувдан ва жамоат тартибига тажовуз қиладиган ҳуқуқбузарликлар йўқлигини баҳолашдан сўнг амалга оширилади. Текширув ижобий натижа берса, чет элликларнинг ҳуқуқий ҳолати ҳал қилинади. “Агар йўқ бўлса, улар мамлакатни тарк этишлари шарт”, – дея қўшимча қилган у.

Россия ОАВ маълумотларига кўра, 2025 йил 1 январдан 30 апрелгача мамлакатда қолиш тартибини бузган чет эл фуқаролари Ички ишлар вазирлигининг тегишли органларига мурожаат қилиб, яшаш жойларини қонунийлаштиришлари мумкин.

• Аёллар
• Россия
• erkaklar
• migrant