ТАСС хабарига кўра, Россиянинг Тюмен вилоятида мигрантларнинг таълим муассасаларида фаолият юритишига чеклов жорий этилмоқда. Тегишли қарор вилоят губернатори Александр Мур томонидан имзоланган.

Расмий маълумотларга кўра, ушбу чекловлар 2026 йилдан бошлаб кучга киради. Қарорга мувофиқ, мигрантларга болалар боғчалари, умумтаълим мактаблари, шунингдек, бошланғич, умумий ва ўрта таълим ташкилотларида ишлаш тақиқланади.

Бундан ташқари, иш берувчиларга мигрантларни бошқа бир қатор соҳаларга жалб этиш ҳам чекланади. Хусусан, болалар овқатлари ва бошқа озиқ-овқат маҳсулотларини ишлаб чиқариш, ихтисослаштирилган дўконларда тамаки маҳсулотларининг чакана савдоси, шаҳар ва шаҳар атрофи йўловчи ташиш хизматлари, такси ҳайдовчиси сифатида ишлаш ҳамда юк ташиш билан боғлиқ транспорт хизматларида мигрантлар меҳнатидан фойдаланишга рухсат берилмайди.

Таъкидланишича, мазкур қарор ҳудудда меҳнат бозорини тартибга солиш, шунингдек, ижтимоий соҳаларда хавфсизлик ва назоратни кучайтиришга қаратилган.

• Меҳнат
• Россия
• cheklov
• migrant