Жорий йил 29 апрел куни Россиянинг Самара божхона ўтказиш пунктида 4та қўнғир айиқ боласини мамлакатдан ноқонуний тарзда контрабанда йўли билан олиб чиқиб кетишга уринган ўзбекистонлик фуқаро қўлга олинди.

Зита, Гита, Чук ва Гек лақабли 2 ойлик айиқчалар ортилган автомобил Оренбург вилояти Сагарчин қишлоғи яқинидаги Самара божхонаси ходимлари томонидан тўхтатилган. Улар қафасларга жойланган бўлган.  

Ҳайдовчининг Россия табиатни муҳофаза қилиш хизматининг йиртқичларни мамлакат ҳудудидан олиб чиқиб кетишга рухсатномаси бўлмаган. Қўнғир айиқ йўқолиб кетиш хавфи остида турган турдир, ёввойи фауна ва флора бўйича халқаро савдо конвенциясига мувофиқ Қизил китобга киритилган.

Ҳужжатларга кўра, айиқ болалари сизранлик тадбиркор томонидан Ўзбекистон фуқаросига совға қилинган. У йиртиқчиларни Сизрандаги ҳайвонот боғидан Ўзбеистондаги циркка олиб кетаётган бўлган.

Мазкур ҳолат юзасидан Россия Жиноят кодексининг 226-моддаси 1-қисми билан тергов ҳаракатлари олиб борилмоқда.

• Ayiq
• Ҳайвон
• Россия
• цирк
• Йиртқич