Хитойнинг Шанхай шаҳридаги сўнгги икки метро линиялари COVID-19 эпидемияси сабабли ёпилди. Бу ҳақида 10 май куни “Associated Press” ахборот агентлиги хабар бермоқда. 

“2022 йил 10 май соат 13:00 дан бошлаб ва кейинги хабарномага қадар Шанхай метросининг олтинчи ва ўн олтинчи йўналишлари ўз фаолиятини тўхтатади. Айни пайтда Шанхай метросининг барча йўналишлари ва станциялари ўз фаолиятини тўхтатди”, - дейилади метронинг Weibo ижтимоий медиа аккаунтида эълон қилинган хабарда.

Маълумот учун, Шанхай метроси узунлиги бўйича дунёда биринчи ўринда туради – 831 километр, 20 линия ва 508 станцияга эга. COVID-19 пандемияси бошланишидан олдин йўловчи ташиш кунига ўн миллиондан ортиқ кишини ташкил этган. 

Хитойда пандемия давомида 220,3 мингдан ортиқ коронавирус инфекцияси аниқланган ва касаллик оқибатларидан 5,1 мингдан ортиқ ўлим ҳолати қайд этилган.

• COVID-19
• Жаҳон
• Метро
• Shanxay
• Хитой