Шольц партияси Германиядаги парламент сайловларида мағлубиятга учради

Германияда Фридрих Мерц бошчилигидаги ХДИ/ХСИ консерватив блоки Бундестакка муддатидан олдин бўлиб ўтган сайловларда 28,5 фоиз овоз билан ғалаба қозонди.

ARD томонидан эълон қилинган маълумотларга кўра, сайловчиларнинг 28,5 фоизи ХДИ/ХСИ блокига, 20,8 фоизи эса “Германия учун муқобил” (АфД) партиясига овоз берган.  Учинчи ўринни 16,4 фоиз овоз билан Олаф Шольцнинг Социал-демократик партияси эгаллаган.

Шунингдек, “Яшиллар” 11,6 фоиз ва “Сўллар” ҳам 8,8 фоиз ҳам Бундестакка киради.

ZDF телеканали маълумотларига кўра, Германия Бундестагига сайловларда қатнашганлар сони рекорд даражада — 83 фоизни ташкил этган. Шольц ўз партияси ГСДПнинг сайловлардаги мағлубиятини тан олиб, натижани “аччиқ” деб баҳолади ва масъулиятни ўз зиммасига олди.

Фридрих Мерц Германиянинг янги ҳукуматини тузиш учун мандат эълон қилди. “Дунё узоқ муддатли коалиция музокараларини кутмаяпти”, — дея таъкидлаган ХДИ/ХСИ блокидан канцлерликка номзод ХДИнинг Берлиндаги штаб-квартирасидаги чиқишида.

• Германия
• Olaf Shols
• Parlament
• saylov