Голливуднинг таниқли актрисаси Скарлет Йоханссон ёзувчи Жон Катценбах асари асосида суратга олинадиган "Адолат номи ила" сериалида бош ролда кўриниш беради. Актриса мазкур сериалда ижрочи продюсерлардан бири сифатида ҳам иштирок этади.

Бу Йоханссоннинг ижодий фаолиятидаги илк сериал ҳисобланади. Сюжетга кўра, газета мухбири Медисон Кауарт кичик ёшли қизалоқнинг жонига қасд қилгани учун қатлга ҳукм этилган маҳкумнинг сўнгги кунларини ёритади. У жараён давомида маҳкумнинг айбсиз эканлигини тушуниб қолади ва адолат учун курашади.

Катценбах асари асосида суратга олинган биринчи фильм 1995 йилда "Ҳақ иши" номи билан экранларга чиққан. Ундаги бош ролни Шон Коннери ижро этган. Скарлетт Йоханссоннинг илк ролларидан бири ҳам мана шу фильмда бўлган.

• Кино
• Маданият
• ijod
• машҳурлар