Кеча, 2 апрель куни Хитойнинг Уси шаҳрида таэквондо WТ бўйича «Катта дубулға» мусобақаси финал босқичининг илк куни якунланди. Қувонарлиси, унда Ўзбекистон терма жамоаси 1 та олтин медални қўлга киритди.

Ушбу медалга -68 кг вазн тоифасида баҳс олиб борган Токио-2020 Олимпиадаси чемпиони Улуғбек Рашитов муаллифлик қилди. Улуғбек финалда эронлик Дониёл Бозорғишобдан устун келди.

-68 кг:

Улуғбек Рашитов (Ўзбекистон) – Олтин

Дониёл Бозорғишоб (Эрон) – Кумуш

Ризо Калгор (Эрон) – Бронза

Ўз навбатида, бугун, мусобақанинг охирги кун дастурида Ўзбекистон терма жамоасининг 5 нафар аъзоси медаллар учун жанг қилади.

Аҳамиятлиси, -58 кг вазндаги икки ўзбекистонлик спортчи илк босқичда ўзаро тўқнаш келишган.

Вакилларимизнинг биринчи босқичдаги рақиблари билан танишинг:

+73 кг: Светлана Осипова — Лорена Брендл (Германия) / Дана Азран (Исроил)

-58 кг: Амирбек Тўраев — Назарали Назаров

-80 кг: Жасурбек Жайсунов — Мингкуан Менг (Хитой)

-80 кг: Шуҳрат Салаев — Мирҳошим Ҳусайни (Эрон)

• Катта дубулға
• Таэквондо
• Хитой