Таиландда тезюрар темирйўл тармоғи қурилишида фойдаланилаётган кран поезд устига қулаб тушди. Ҳодиса оқибатида поезд рельсдан чиқиб кетган ва камида 22 киши ҳалок бўлган. Бу TRT World хабар бермоқда.

Нахон Ратчасима провинцияси полицияси бошлиғининг маълум қилишича, ҳодиса оқибатида 22 киши ҳалок бўлган, 30 дан ортиқ одам турли даражадаги тан жароҳатларини олган. Фожиа 14 январь куни маҳаллий вақт билан соат тахминан 09:00 да мамлакат пойтахти Бангкокдан шимоли-шарқда жойлашган Нахон Ратчасима провинциясида юз берган. Тезюрар поезд йўли қурилишида ишлаётган кран ҳаракатланаётган йўловчи поезди устига қулаган.

“Кран поезд устига қулаши оқибатида вагонлар рельсдан чиқиб кетган ва ёнғин бошланган”, – дейилади провинция расмий баёнотида.

Ҳозирда мутахассислар ҳодиса сабабларини ўрганмоқда, қутқарув ишлари эса давом эттирилмоқда.

• Halokat
• Поезд
• Tailand