Маълумки, Тошкент ахборот технологиялари университети (ТАТУ)да кредит тизими амалиётга жорий қилинган. Яъни, талабалар фанлардан йиқилса, пулини тўлаб имтоҳонни қайта топширишга рухсат олиши лозим бўлади.

Куни кеча ижтимоий тармоқларда тизим хатоси ва саволларнинг ҳаддан ташқари мураккаблиги туфайли кўплаб ТАТУ талабалари белгиланган имтиҳонлардан "йиқилган"лиги ҳақидаги хабар тарқалган ва бу жамоатчиликнинг ҳам эътирозига сабаб бўлган эди.

Бугун мазкур ҳолат юзасидан  Олий ва ўрта махсус таълим вазирлиги расмий баёнот билан чиқди.

Расмий муносабатда мазкур масалани ўрганиш бўйича масъуллардан иборат тезкор ишчи гуруҳи тузилганлиги ва  бу ишчи гуруҳ мазкур масалани объектив ва батафсил ўрганиши қайд этилган.

Ишчи гуруҳнинг хулосаси жамоатчилик эътиборига эълон қилинади. 

• Кредит
• ТАТУ