Янги қонун кучга кирди Мамлакатда тазйиқ ва зўравонликдан жабр кўрган аёллар ҳамда уларнинг фарзандларини ҳимоя қилиш тизимини такомиллаштиришга қаратилган қонун расман кучга кирди. Мазкур ҳужжат билан қонунчиликка илк бор “боланинг энг устувор манфаатлари” тушунчаси киритилди ва уларни таъминлаш кафолатлари қатъий белгилаб қўйилди.

Янги қоидаларга кўра, ҳар бир боланинг оилада ўсиши, таълим олиши, шунингдек, унинг шаъни, қадр-қиммати ва шахсий дахлсизлиги давлат томонидан кафолатланади. Энг муҳими, бундан буён болага тааллуқли ҳар қандай масалада қарор қабул қилинаётганда (масалан, ота-она ажрашаётганда ёки бошқа низоли вазиятларда) боланинг шахсий фикри мажбурий тартибда ҳисобга олинадиган бўлди.

Яна бир катта ўзгариш – Ижтимоий ҳимоя миллий агентлиги тизимидаги муассасаларга янги ва кучли ваколат берилди. Эндиликда улар зўравонликдан жабрланган хотин-қизлар ва болалар манфаатларини ҳимоя қилиб, давлат божи тўламаган ҳолда тўғридан-тўғри судга мурожаат қилишлари ҳамда суд мажлисларида уларнинг расмий вакили сифатида қатнашишлари мумкин. Бу эса ҳимояга муҳтож шахсларнинг ҳуқуқий ёрдам олишини сезиларли даражада осонлаштиради