Tesla марказий дисплейда юзага келиши мумкин бўлган муаммолар туфайли Хитойда 107 200 дан ортиқ Model 3 ва Model Y электромобилларини қайтариб олади. Бу ҳақда Хитой давлат бозор назорати бошқармаси сайтида душанба куни чоп этилган хабарда сўз боради. 

Таъкидланишича, қайтариб олинишига ушбу транспорт воситаларини тез зарядлаш жараёнида юзага келган марказий сенсорли экрандаги муаммолар сабаб бўлган. Энг ёмон ҳолатда, улар хавфсизликка потенциал хавф туғдирадиган носозликларга олиб келиши мумкин.

Шанхай заводида ишлаб чиқарилган жами 107 239 та Модел 3 ва Модел Y электромобиллари 23 майдан бошлаб чақириб олинади. Автомобиллар 2021 йил 19 октябрдан 2022 йил 26 апрелгача йиғилган. Агентлик баёнотида айтилишича, тегишли партияларда автомобилни тез зарядлаш вақтида марказий сенсорли экран билан боғлиқ муаммолар бўлиши мумкин. Бундай ҳолда, потенциал хавфсизлик хавфини кўрсатадиган носозликлар хавфи мавжуд.

Маълумот учун, жорий йил апрел ойи охирида Tesla АҚШда 48 минг Tesla Model 3 электроседанини қайтариб олди. Бунинг сабаби, Auto News of the Day нашри хабар беришича, тизимдаги хатолик туфайли баъзи автомобиллар спидометрни нотўғри кўрсатиши бўлган. 

• Ilon_Mask
• Shanxay
• Tesla
• Хитой