36°
Кечаси 23°
Ўзбекистон Президенти матбуот котиби Шерзод Асадов бугун мамлакат раҳбарининг жорий ҳафтадаги иш режаси ҳақида маълумот берди.
Бу ҳафта Ўзбекистон ташқи сиёсий ва иқтисодий ҳаётида муҳим воқеалар жуда кўплигини айтиб ўтди давлат раҳбари матбуот котиби.
Энг муҳим маълумотлар:
– Президент Шавкат Мирзиёев Словакия Бош вазири Роберт Фитсо билан музокаралар ўтказди. Ўзбекистон билан Словакия ўртасидаги муносабатлар стратегик шериклик даражасига кўтарилди;
– эртага Шавкат Мирзиёев Болгария Республикаси Президенти Румен Радев билан музокаралар ўтказади;
– Бугун Тошкент халқаро инвестиция форуми ўз ишини бошлайди. Унда 8 минг нафар делегат, шу жумладан 100 га яқин давлатдан 3 мингга яқин хорижий меҳмон иштирок этиши кутилмоқда.
Жумладан, Болгария Президенти Румен Радев, Словакия Бош вазири Роберт Фитсо, Қозоғистон Бош вазири Олжас Бектенов, Қирғизистон Вазирлар Маҳкамаси раиси – Президент Администрацияси раҳбари Адилбек Касималиев, Тожикистон Бош вазири Қоҳир Расулзода, Озарбайжон Бош вазири Али Асадов, Туркманистон Вазирлар Маҳкамаси Раиси ўринбосари Нокергули Атагулиев, шунингдек, Европада хавфсизлик ва ҳамкорлик ташкилоти амалдаги раиси, Финляндия ташқи ишлар вазири Элина Валтонен, Европа тикланиш ва тараққиёт банки президенти Одил Рено-Бассо, БРИКС Янги тараққиёт банки президенти Дилма Русеф ва бошқалар қатнашади;
– форумда Шавкат Мирзиёев иштирок этиб, нутқ сўзлайди. Ўзбекистон Президенти глобал хавфсизлик чақириқлари жаҳон иқтисодиётига ўтказаётган таъсири тенденцияларини ҳисобга олиб, ҳамкорликнинг асосий тамойиллари ҳамда Ўзбекистоннинг савдо-иқтисодий ва инвестициявий дастурининг асосий йўналишлари бўйича ўз фикрларини билдиради.
– форум доирасида биринчи марта Миллий кўргазма бўлиб ўтади;
– 11 июнь куни Ўзбекистон Президенти ҳузуридаги Хорижий инвесторлар кенгашининг 3-ялпи мажлиси бўлиб ўтади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
